انا مسلم عربى ضد الارهاب
بمناسبة احداث الانفجارات التى حدثت امام كنيسة القديسين بالاسكندرية فى اول يوم من ايام السنة الجديدة والتى ادت على مصرع 21 شخص واصابة 97 شخص اقدم تعزياتى الى اهالى المتوفين والمصابين وعاوز اقول اننا وطن واحد وشعب واحد
اقدم لكم كلامات جميلة انا اللى ألفتها بمناسبة هذه الاحداث الحزينة
انا مصري مسلم و اصحابي مسيحيين ...غلابة مساكين
اللي فاكرين ان لما هيقتلوا 21 من المصريين اننا هنخاف ونضرب في الباقيين لا احنا تاريخنا مليان مواقف واسأل التانيين
مصر دى طول عمرها بلد الامان ان كنت مسلم او مسيحى احنا اخوان وانا من صغرى بسمع صوت الجرس جمب الاذان .......اهل مصر ناس طيبين عاشو من الاف السنين مع بعض و مفيش بنهوم حواجز باسم الدين ..... مصر دى بلد السلام لو مسحيه او اسلام احنا ايد وحده نعلى فيها ونحميها من العاوز يحرمها من الامان
دمى هو دمك. همى هو همك .لية تبكى عيون أمى ولا أمك. بحرقة وهى شايلة ضناها... أكيد انت مش انسان. انت مخلوق خايف وجبان. ضعيف وعاجز حاقد وعاشق للأحزان. ودمعة غيرك بتتمناها... مين انت ومين سلطك؟؟.. لية واخد الدم والارهاب سكتك؟؟..
اتمنى من كل اخ يضع ردا يقدم تعازى لاهالى المتوفين و المصابين وطبعا احنا وطن واحد وشعب واحد و يحيا الهلال مع الصليب
احمد اسامة التل الكبير الاسماعيلية هندسة زراعية
Cairo Time
إرسال تعليق