1) معانيها:
احا ليها اكتر من طريقه للكتابه و النطق و كل طريقه ليها معنى مختلف عن التانى
- فى اللهجه المصريه و اللهجات التانيه:
احا (ا ح ا) اختصار لجمله: انا حقا اعترض او انا حقى اعترض
احه (ا ح ه) اختصار لجمله: ارفض حدوث هذا
احا: مشتقه من اح: كلمه بتتقال لما تكح او تتلسع او تتخبط و بتتقال بردو للاطفال الصغيرين للتعبير عن الغضب (كخ)
احا: فى بلاد زى الاردن معناها الكحه و بلاد تانيه معرفهاش معناها اصيل زى مثلا لما نقول "انا مصرى احا" = "انا مصرى اصيل"
- فى اللغه العربيه:
احا: كلمه كان بيقولها البدو للمعيز و الخرفان و الكلام ده (لسان العرب)
احا: مشتقه من الاحاح و الاحاح ليها معانى كتير حسب النطق فا تيجى بمعنى:
العطش الشديد, الحزن الشديد, الغيظ, الحقد, الكراهيه و الكحه او العطس (لسان العرب)
احا: مشتقه من اح نفس معنى الاحاح الاتنين اصل واحد و معانى واحده بردو الغيظ, الكراهيه, العداوه, و الكحه و الكلام ده (مقاييس اللغه)
- فى الحكايات اللى بنسمعها:
بيقولك فى العصر الفاطمى; طلع قانون يمنع الناس انها تقول لفظ "احتج", فا المصريين ساعتها حورو الكلمه و خلوها "احتا" (من يومنا و احنا معارضين)
الفاطميين اكتشفو الموضوع ده, راحو المصريين قلبوها لـ"احا", و بعدين القانون اتلغى و الكلمه اتشهرت.
فى اغلب الحالات احا كلمه تعتبر اسلوب اعتراض شديد اللهجه
2) اتقالت امتى و مواقف مشهوره:
- من زمان اوى :P
- من المواقف المشهوره لكلمه احا, هيا لما الريس جمال عبد الناصر طلع و قال هاتنحى عن الحكم
و كان رد الشعب ليه فى مظاهره شعارها "احا احا لا تتنحى"
- موقف تانى مشهور (افتتاح موقع A7A.me يوم 10 سبتمبر 2010) :D
3) مين اول واحد قالها و قالها ليه:
معرفش :D
4) ليه الاعتقاد دلوقتى بان الكلمه مش محترمه (قبيحه):
فى الوقت اللى الاعتقاد ده ظهر فى مصر, كانت الدوله لسه بتبنى نفسها, و كانت العقول مشوشه بسبب الانجليز و الفرنسيين و الناس دى
و حصل الانقسام بين المصريين الاغنيا و الفقرا, الجيل الجديد من الاغنيا كانو متعلمين فى اوروبا و مش ناقصهم حاجه عشان يقولو احا
اما الجيل الجديد من الفقرا فا كانو دايما بيقولو احا, و كان عندهم التطلع للاغنيا (عايزين يبقو اغنيا زيهم) فا كان التقليد فى الكلام من الاغنيا
و هنا كلمه احا كانت لسه عاديه و لكن, مينفعش تتقال ادام حد غنى او حد صاحب علم تعبيرا للاحترام يعنى
و هكذا لغايه ما الناس بقو يربو اولادهم ع ان احا دى كلمه مش محترمه زى ما الاغنيا بيربو ولادهم :D
طبعا دلوقتى الكلمه موجوده ع انها قبيحه محدش بيقولها غير اطفال الشوارع, و لما الاطفال المتربيه يسألو اهاليهم يعنى ايه احا
يسمعو الاجابه المعتاده "كلمه وحشه" و بعديها يسمعو صوت الصمت :D (رأى شخصى مش كلام حقيقى)
كان معكم احمد اسامة التل الكبير الاسماعيلية هندسة زراعية
للاستفسار اميلى على الياهوو
save_usy2j@ymail.com
اللى على البالتوك
o0o_Eng Osama_o0o
لأضافة تعليق اختار غير معرف واكتب تعليقك وشكرررررررا
Cairo Time
إرسال تعليق